O Colexio Profesional de Enxeñería en Informática de Galicia (CPEIG) concedeu o Premio Ada Byron á investigadora do CITIC Verónica Bolón polos seus traballos de investigación na área de Intelixencia Artificial e a súa aposta polo fomento de vocacións científico-tecnolóxicas entre as nenas, participando en numerosas actividades de divulgación e coordinando o nodo da Coruña do programa Inspira STEAM. Este programa, promovido pola Universidade de Deusto, ten o obxectivo de facilitar ao alumnado novos referentes de mulleres científicas e tecnólogas, dar a coñecer as profesións STEAM, sensibilizar e orientar sobre os estudos en ciencia e tecnoloxía, visibilizar e poñer en valor ás mulleres STEAM da historia, así como dar a coñecer os estereotipos existentes nestas áreas para que non condicionen as decisións de nenas e nenos.

A entrega do premio terá lugar na “XV Noite dá Enxeñaría en Informática de Galicia” que se celebrará o 16 de xuño no Hotel OCA Porta do Camiño de Santiago de Compostela.