Aberta a convocatoria de Axudas á Investigación Ignacio H. de Larramendi
26/08/2020 – CITIC
A Fundación MAPFRE publicou a convocatoria 2020 das Axudas á Investigación Ignacio H. de Larramendi, co obxectivo de facilitar apoio económico para a realización de proxectos de investigación en Promoción da Saúde.
As axudas están dirixidas a investigadores ou equipos de investigación do ámbito académico e profesional que desexen desenvolver programas de investigación de forma independente ou no marco de universidades, hospitais, empresas ou centros de investigación aos que estean adscritos.
Os proxectos de investigación versarán sobre a Promoción da Saúde:
- Estratexias para o cambio de hábitos: prevención da obesidade e fomento da actividade física.
- Educación para pacientes.
- Valoración do dano corporal.
- Xestión sanitaria: calidade e seguridade clínica.
Nesta convocatoria valoraranse especialmente aqueles proxectos que, tendo en conta as liñas temáticas anteriores, incorporen aspectos relacionados co COVID-19 como: redución de contaxios, autocoidado e a cultura de autoprotección, relación entre estado de saúde previo (estilo de vida) e morbimortalidade, COVID-19 e saúde mental, etc.
O prazo para o envío de solicitudes estará aberto ata o próximo 30 de outubro.
