Amparo Alonso participa na xornada Infoday CDTI – Intelixencia Artificial
15/06/2021 – CITIC
A investigadora do CITIC Amparo Alonso participará o próximo 16 de xuño no evento Infoday CDTI – Intelixencia Artificial, enmarcado dentro do programa Horizonte Europa e coorganizado polo CDTI (Centro para o Desenvolvemento Tecnolóxico Industrial) e a AEPIA (Asociación Española para a Intelixencia Artificial).
A xornada estrutúrase en dous bloques: o primeiro centrarase en estratexias en Intelixencia Artificial (europea e nacional) e no segundo bloque presentaranse as convocatorias específicas en Horizonte Europa. Cada un dos bloques terá a súa mesa redonda sobre diferentes aspectos da IA.
Amparo Alonso participará na mesa redonda: Asociacións nacionais e europeas de IA, achegando a súa visión sobre as estratexias en IA como presidenta da AEPIA.
O seminario emitirase a través da plataforma Zoom.
