A investigadora do CITIC, catedrática da UDC e presidenta da AEPIA, Amparo Alonso, presentará o ciclo de conferencias sobre Intelixencia Artificial que organiza a Fundación Paideia.

Durante o evento, abordaranse os principais conceptos relacionados coa Intelixencia Artificial e o papel que xogarán os algoritmos, os datos, a robótica e o Big Data na sociedade actual e futura, e as súas aplicacións e repercusións no laboral, económico, social, político, persoal, etc. Así mesmo, as implicacións éticas que van supoñer os algoritmos, a Inteligencia Artificial e a utilización dos datos e como vai afectar todo isto aos cidadáns e ao control social.

O ciclo comeza o próximo xoves 17 de xaneiro coa conferencia “Inteligencia Artificial: El futuro que ya es presente”, que impartirá o catedrático de Ciencias da Computación e Intelixencia Artificial da Universidade Pública de Navarra e profesor honorario da Universidade de Nottingham, Humberto Bustince.

A asistencia ao ciclo é gratuíta previa inscrición en www.paideia.es/eventos