O Ministerio de Ciencia, Innovación e Universidades convoca as axudas Beatriz Galindo, que teñen como obxectivo atraer ás universidades españolas a investigadores de recoñecido prestixio no ámbito científico e técnico que realicen parte da súa carreira profesional no estranxeiro, de calquera nacionalidade. Así, o obxectivo é favorecer a captación e formación de capital humano investigador e a súa mobilidade en sectores de interese estratéxico nacional, ademais de promover a calidade e a competitividade do persoal docente e investigador nas universidades españolas.

En total convocaranse 100 axudas Beatriz Galindo (40 senior e 60 junior), por valor de 18,8 millóns de euros. As axudas recibidas empregaranse para a contratación por parte das universidades públicas españolas, durante un período mínimo de 4 anos, de persoas con experiencia docente e investigadora no estranxeiro. A modalidade de contratación será na categoría de investigador distinguido e cada universidade poderá solicitar un máximo de 5 axudas.

O prazo de solicitude comprenderá desde o 10 de febreiro ata o 25 de marzo.

Máis información