O investigador do CITIC da Universidade da Coruña, Eduardo Mosquera, compartiu recentemente a súa experiencia na ML in PL CONFERENCE 2023, que na súa sétima edición estivo centrada no mellor do Machine Learning tanto no ámbito académico como no empresarial.

Mosquera participou nunha mesa redonda na que analizou o concepto de “Human in the Loop” no contexto do adestramento de modelos de intelixencia artificial. Na súa intervención, o investigador do CITIC xunto coas súas compañeiras, Veronika Cheplygina e Alina Powała, analizou como a interacción humana pode potenciar significativamente o desenvolvemento de modelos de aprendizaxe automática. A mesa redonda enfocouse en cuestións cruciais, abordando a eficacia de aproveitar a experiencia e os coñecementos humanos no proceso de adestramento, así como a avaliación do valor intrínseco destas contribucións.

O evento marcou un paso máis na dirección de comprender e apreciar o papel esencial que xoga o factor humano no avance continuo da intelixencia artificial.