O CITIC organiza un curso de programación para ASPACE Coruña
04/12/2019
O subdirector do CITIC Javier Pereira imparte un curso gratuíto de programación baseada en bloques dirixida a profesionais de ASPACE Coruña, co obxectivo de dotar das capacidades suficientes a persoas sen experiencia en programación que lles permita crear programas gráficos para intervención e rehabilitación con persoas con discapacidade. Crearanse exemplos prácticos para persoas con parálise cerebral.
No curso, que ten lugar o 5, 12 e 19 de decembro, abordaranse as posibilidades de contidos con realidade aumentada, interacción co son ambiente, placa Makey Makey, Leap Motion, Placa Micro:bit e placa Playgroung Express.
