O director do CITIC, Manuel F. González Penedo, asistiu esta mañá ao almorzo informativo do Fórum Europa. Tribuna Galicia, no que interviron participantes dos campos político, económico e social. O encontro contou coa presencia, entre outros, da Conselleira de Educación, Carmen Pomar, e a deputada do Congreso e Vicesecretaria xeral de Comunicación do Partido Popular, Marta González.

O evento está impulsado por Nueva Economía Fórum, un foro que proxecta as súas actividades como medio para que os principais representantes das institucións, a clase política e a sociedade civil se expresen ante un público que demanda respostas aos retos que teñen planteadas as sociedades na actualidade.

Así, as súas reunións pretenden ser un punto de encontro entre os primeiros actores do panorama político económico e social, no que expresar e confrontar publicamente planteamentos e opinións.