O II Congreso XoveTIC, organizado polo CITIC, está destinado a mozos investigadores (predoutorais e posdoutorais) de universidades galegas e do norte de Portugal, que poderán presentar comunicacións orais ou pósteres das súas investigacións no ámbito das TIC. O obxectivo do evento é construír un espazo de encontro para o debate científico e contribuir así á súa formación.

Como novidade nesta edición, o Congreso XoveTIC está integrado na 27ª Conferencia Europea de Procesamento de Sinais (EUSIPCO 2019). Ademais, contará con relatores, investigadores e persoeiros pertencentes ao ámbito da industria de relevancia internacional.

O congreso, cuxa inscrición é gratuita, suporá unha oportunidade para que as persoas participantes compartan as súas investigaciónns nun ambiente colaborativo e distendido.

As contribucións ao congreso poderán ser orixinais ou traballos adaptados xa presentados noutros foros. Todos aqueles traballos que se acepten serán publicados nun libro de actas.

Datas e rexistro

• 15 abril: Apertura do prazo de recepción dos abstracts
• 3 xuño: Apertura do rexistro de asistencia
• 15 xuño: Peche do prazo de recepción dos abstracts
• 17 xuño: Notificación dos traballos seleccionados
• 20 xuño: Publicación do programa definitivo
• 15 xullo: Peche de recepción dos traballos definitivos
• 3 setembro: Peche do rexistro de asistencia
• 5 e 6 setembro: Celebración do congreso

Contribución

Este congreso contará con sesións de comunicación orais e cunha sesión de exposición de pósteres.

Os traballos presentados deberanse enmarcar nalgunha das seguintes áreas temáticas:

• Ciencia de datos e información: sistemas de información; recuperación de información, modelos matemáticos e xestión documental; aprendizaxe máquina; sistemas de información xeográfica; matemática aplicada, estatística e investigación operativa.
• Percepción, cognición e interacción: sistemas intelixentes; sistemas recomendadores; visión artificial; localización e monitorización de movementos.
• Arquitectura de computadores, sensórica e comunicacións: computación avanzada; sistemas distribuídos e arquitecturas orientadas a servizos; sensórica, comunicación e informática móbil.

Complementariamente, celebraranse conferencias plenarias que correrán a cargo de personalidades relevantes do ámbito universitario.

Programa

5 de setembro de 2019 | CITIC

09:00 h – 09:30 h Recepción de asistentes

09:30 h – 10:00 h Sesión de apertura

10:00 h – 11:00 h Conferencia plenaria:

•  Francisco Servia Fiuza, Senior Product Manager, Amazon

11:00 h – 12:00 h Comunicacións orais

12:00 h – 12:30 h Pausa café

12:30 h – 14:30 h Comunicacións orais

14:30 h – 16:00 h Xantar de networking

16:00 h – 18:00 h Talleres

6 de setembro de 2019 | Palexco

09:00 h – 10:00 h Conferencia plenaria:

• “Graph Neural Networks”
• Alejandro Ribeiro, Departamento de Electrotecnia e Enxeñaría de Sistemas, Universidade de Pensilvania, EUA
• As redes neuronais convolucionales (CNN) son arquitecturas de procesamento de información en capas nas cales cada unha das capas é en si mesma a composición dunha operación de convolución cunha non linealidad puntual. As redes neuronais gráficas (GNN) substitúen a operación de convolución regular cunha operación de convolución gráfica. Discutiremos as convoluciones, o seu uso na construción de arquitecturas GNN e exploraremos as propiedades de estabilidade dos operadores GNN. Os resultados de estabilidade establecen que unha GNN é estable para graficar deformacións que están preto de permutacións. Este resultado proporciona unha base teórica para caracterizar as clases de problemas de aprendizaxe automática nos que esperamos que as GNN funcionen ben. Discutiremos aplicacións para o control de sistemas autónomos colaborativos a gran escala e redes sen fíos.

10:00 h – 10:30 h Pausa café

10:30 h – 12:30 h Comunicacións orais

12:30 h – 13:00 h Clausura e entrega de premios

13:00 h – 14:00 h Xantar de networking

14:00 h – 15:30 h Sesión de pósteres

Premios

Entregaranse cinco premios destinados a recoñeceren a calidade, a excelencia e a orixinalidade das comunicacións orais mellor valoradas por parte do Comité Científico.

Os premios entregaranse no acto de clausura polas entidades patrocinadoras dos galardóns.

Ver web do congreso