Os investigadores do CITIC Adriana Dapena, Paula Castro e Óscar Fresnedo e o investigador do grupo GTEC Francisco Laport participaron o pasado sábado na Feira Científica UDCiencia que tivo lugar na Domus. Esta xornada, organizada polo grupo de innovación docente UDCiencia da UDC e polos museos científicos da Coruña, pretende achegar a ciencia e a tecnoloxía á sociedade. Así, os investigadores do CITIC colaboraron co grupo de investigación XDA da UDC organizando o taller “Xogando coas matemáticas”.

Esta xornada divulgativa, dirixida a todo tipo de públicos, contou ademais con diferentes talleres relacionados co mar e os seus habitantes, as vacinas, virus e bacterias, minerais e xemas, etc.