Os investigadores do CITIC Ricardo Cao, Rebeca Peláez e Beatriz Piñeiro participaron no congreso ISNPS2022 (International Symposium on Nonparametric Statistics) celebrado en Pafos, Chipre, do 20 ao 24 de xuño. Nel presentáronse os avances e tendencias recentes en varias áreas da estatística non paramétrica, co fin de facilitar o intercambio de ideas, promover a colaboración entre persoal investigador de todo o mundo e contribuír ao maior desenvolvemento do campo.

Ricardo Cao organizou a sesión convidada “New insights in bandwith selection”, na que presentou o traballo “Bagging cros-validated bandwith selection in nonparametric regression estimation with application to Big Data” e Rebeca Peláez fixo o propio con “Bootstrap bandwith selection for nonparametric default probability estimation: application to credit risk”. O venres 24, Beatriz Piñeiro expuxo o traballo “Single-index mixture models. An application to a study of cardiotoxicity in breast cancer patients” e, finalmente, Ricardo Cao presentou “Nonparametric inference for big-but-biased data”.