Os investigadores do CITIC Manuel Oviedo e Rubén Fernández participarán no X Seminario Internacional de Estatística Aplicada, que ten lugar do 11 ao 15 de maio organizado pola Sociedade Ecuatoriana de Estatística. Manuel Oviedo impartirá o taller “Análise de datos funcionais coa librería fda.usc de R”; mentres que Rubén Fernández ofrecerá a conferencia maxistral “Xeoestadística non paramétrica co paquete npsp”. Ambas as actividades terán lugar o vindeiro martes 11 de forma online.

O evento será retransmitido a través das redes sociais da Sociedade Ecuatoriana de Estatística (SEE). O X Seminario Internacional de Estatística Aplicada ten o obxectivo de fomentar a cultura estatística, desenvolvendo temáticas de importancia para o fomento da estatística a nivel internacional: estatística aplicada, finanzas, estatística en educación e ciencia de datos. Esta edición conta co aval académico da Universidade da Coruña, entre outras entidades a nivel internacional.

Máis información