O vindeiro xoves 28 de xaneiro celebrarase a Asemblea Ordinaria do CITIC 2021, que este ano terá lugar en formato online. A reunión está dirixida a toda a comunidade do CITIC, que conta con máis de 250 profesionais, entre persoal investigador (investigadores/as permanentes, non permanentes e en formación) e persoal de xestión.

Na Asemblea presentaranse os eixes referidos á anualidade 2020 nas áreas de gobernanza, organización e estratexia, onde se darán as claves do posicionamento do CITIC na estratexia da UDC no ámbito TIC; investigación e transferencia; recursos humanos e formación; comunicación e divulgación da ciencia; premios e recoñecementos; e as principais accións e proxectos levadas a cabo polo CITIC na loita contra o COVID-19.