O próximo 10 de febreiro pola tarde terá lugar na Facultade de Informática da UDC a Olimpíada Informática Galega 2023 (OIG 2023) na que participarán 37 estudantes de secundaria, bacharelato e ciclos formativos de grao medio de centros educativos de Galicia.

A iniciativa parte do Colexio Profesional de Enxeñaría en Informática de Galicia (CPEIG), en colaboración coas tres universidades galegas (UDC, USC e UVigo) e o CITIC.

A OIG 2023 ten como obxectivo a promoción do coñecemento e das vocacións no ámbito da informática a través da resolución dun conxunto de problemas. Cada problema deberá resolverse empregando linguaxes de programación como C++, Python ou Xava que permitirán automatizar a súa resolución.

Na OIG 2023 seleccionaranse aos dous representantes galegos na XXVII Olimpíada Informática Española (OIE) que se celebrará do 24 ao 26 de marzo de 2023 en Madrid. As persoas gañadoras da OIE poderán acceder á Olimpíada Informática Internacional que terá lugar en agosto/setembro de 2023 en Hungría.