A investigadora do CITIC, Susana Ladra, participou o 29 de xuño na xornada Enxeñaría x Mulleres, promovida polo centro de investigación atlanTIC da Universidade de Vigo, dentro da mesa redonda Diálogos con Enxeñeiras.

O obxectivo da xornada é crear un espazo libre onde as e os participantes poidan expresar a súas experiencias e/ou inquedanzas relacionadas co ámbito da enxeñaría con perspectiva de xénero; a visibilización e reflexión sobre as problemáticas máis comúns coas que se poden atopar as mulleres que escollen o camiño da enxeñaría e a inspiración para futuras enxeñeiras que desexen emprender a carreira investigadora.