Este xoves 29 de xuño, o CITIC recibiu a visita de varios nenos e nenas, de entre 6 e 12 anos, inscritos no campus tecnolóxico de verán ALDABA-TIC Camp. Durante a súa visita puideron participar nun pequeno taller impartido polas investigadoras Patricia Concheiro e Carmen Miranda, onde lles mostraron diversas solucións tecnolóxicas enmarcadas dentro do proxecto de Talentos Inclusivos e participaron en diversas experiencias de realidade virtual. 

O campamento ALDABA-TIC Camp é promovido pola cátedra ALDABA WIB: Women, ICT & Business, e ten por obxectivo incrementar a presenza feminina no campo das Tecnoloxías da Información e as Comunicacións. Este ano, a iniciativa contou cun total de 72 prazas (36 para a Universidade da Coruña e outras 36 para a Universidade de Vigo), e reserváronse un 80% das totais para nenas.