O investigador do CITIC Óscar Branco recibe o Premio Proxecto Fin de Mestrado, outorgado polo Colexio Profesional en Enxeñaría Informática de Galicia (CPEIG) na XI Noite da Enxeñaría en Informática de Galicia, que terá lugar hoxe en Santiago de Compostela. Con estas distincións, recoñécese a aquelas iniciativas ou persoas destacadas no ámbito da Enxeñaría Informática.

Así, o investigador do CITIC recibirá unha dotación económica de 1000 e polo seu PFM “Sistema domótico de eficiencia enerxética no fogar con interface de realidade aumentada”, baseado nun sistema domótico de eficiencia enerxética que permite monitorizar o consumo de diferentes aparellos eléctricos. O proxecto tamén inclúe unha aplicación de realidade aumentada para as lentes Microsoft HoloLens, para controlar o sistema e comprobar os datos en tempo real.

Cabo destacar que o segundo finalista foi Marcos Horro, tamén investigador do CITIC.

Apoio do CITIC á XI Noite da Enxeñaría en Informática de Galicia

O CITIC participa como patrocinador prata na XI Noite da Enxeñaría en Informática de Galicia, promovendo así a difusión do traballo desenvolvido en Galicia no campo da Enxeñaría Informática dentro da Sociedade da Información e as iniciativas relacionadas con ámbito das TIC.