Verónica Bolón, Laura Morán, Brais Cancela e Amparo Alonso organizan a sesión especial “Green Machine Learning” no European Symposium on Artificial Neural Networks, ESANN 2023, que se celebrará do 4 ao 6 de outubro de 2023 en Bruxas.

A sesión estará centrada en cuestións tanto prácticas como teóricas sobre o desenvolvemento de algoritmos sostibles e ecolóxicos, así como nas técnicas máis avanzadas e os retos pendentes neste ámbito.

Poderanse presentar traballos ata o 2 maio cuxas temáticas estean relacionadas co desenvolvemento de algoritmos energéticamente eficientes; a exploración do uso de fontes de enerxía renovables para a aprendizaxe automática; as implicacións éticas e sociais do green machine learning; os métodos para reducir a pegada de carbono dos sistemas de aprendizaxe automática; e o impacto da aprendizaxe automática ecolóxica en diversas industrias e aplicacións.

A notificación da aceptación dos traballos realizarase o 16 de xuño.