O vicerreitor de Política Científica, Investigación e Transferencia de Universidade da Coruña e presidente do Comité de Dirección do CITIC, Salvador Naya, participa como experto invitado no Congreso de Ciencia y Tecnología ESPE 2019 (Capítulo: Estadística Aplicada a Soluciones Industriales y Empresariales) y I Congreso Nacional de R Users Group Ecuador. Salvador Naya impartirá a conferencia “Transferencia con R en industria 4.0”.

O evento ten lugar este xoves 7 e venres 8 de novembro en Sangolquí (Ecuador) e ten como obxectivo converterse nun espazo académico-científico para o intercambio de ideas, proxectos e resultados de investigación na área da estatística, orientados á solución de problemas industriais e da empresa, utilizando ferramentas desenvolvidas no software estatístico R.

O congreso está dirixido especialmente ao persoal académico e investigador nas áreas de estatística nas institucións de educación superior e centros de investigación, así como profesionais de nivel técnico e xerencial de empresas de áreas relacionadas coa xestión de información, ciencia de datos, optimización, marketing, control de calidade e fiabilidade.