A investigadora do CITIC Thais Pousada participou en Cracovia como representante da UDC na primeira reunión presencial co equipo internacional do proxecto Erasmus+ GivingCare, no que colabora xunto con Laura Nieto e Nereida Canosa.

Durante o encontro, que tivo lugar do 20 ao 23 de xuño, presentáronse os resultados da implementación do curso piloto para a formación de coidadores non formais de persoas en situación de dependencia. Abordáronse os fitos conseguidos e fixáronse novos obxectivos para a finalización do proxecto, como a elaboración de infografías, vídeos formativos e a definición do perfil ocupacional do coidador.

GivingCare (ref. 2020-1-PT01-KA203-078360) é un proxecto financiado pola Comisión Europea (Erasmus+) cuxo obxectivo principal é fomentar o recoñecemento social e profesional dos coidadores, asistentes persoais e outros profesionais da saúde, a través do deseño e implementación dun Programa de Educación Continua que permita a creación dun perfil profesional ocupacional que veña a modernizar a oferta académica e responder os retos e necesidades da sociedade actual.