BookAuthority seleccionou o libro “Adventures in Computer Science”, escrito polo investigador do CITIC Vicente Moret, como un dos 12 mellores libros sobre computación cuántica a nivel mundial. BookAuthority é un sitio web líder a nivel mundial de recomendacións de libros de non fición.

A publicación “Adventures in Computer Science” ten como enfoque a unidade básica de información, o bit, e a forma en que a nosa comprensión deste elemento evolucionou ao longo do tempo. Moret cubre conceptos relacionados con información, computación clásica e reversible, lóxica, mecánica cuántica, computación cuántica, termodinámica, intelixencia artificial e algo de bioloxía, todo abordado desde o punto de vista das ciencias da computación.