Esta mañá visitou as instalacións do CITIC un grupo de alumnos e alumnas de 1º de bacharelato do IES Agra do Orzán, que participa no programa STEMBACH da Xunta de Galicia.

Para comezar, o subdirector do CITIC, Javier Pereira, realizou unha presentación do centro e as súas capacidades. Posteriormente, o grupo dirixiuse ao edificio de ampliación do CITIC, onde se atopa o Centro de Procesamento de Datos (CPD). Alí, o responsable da unidade de sistemas, Alejandro Mosteiro, explicoulles o seu funcionamento.

A visita concluíu na sala de demostradores tecnolóxicos, onde o alumnado tivo a oportunidade de probar diferentes aplicacións desenvolvidas con tecnoloxía de realidade virtual e interacción co mundo físico.