![Thais Pousada Charlas de divulgación científica para centros de educación secundaria Thais Pousada Charlas de divulgación científica para centros de educación secundaria](https://citic.udc.es/wp-content/uploads/2023/04/Thais-Pousada-Charlas-de-divulgacion-cientifica-para-centros-de-educacion-secundaria.png)
Thais Pousada colabora en varias charlas de divulgación científica para centros de educación secundaria
27/04/2023 – CITIC
Durante os meses de marzo e abril, a investigadora Thais Pousada estivo a impartir varias charlas para estudantes da ESO, Bacharelato e Ciclos Formativos.
En concreto, os seus talleres versaron sobre a importancia dos produtos e tecnoloxías de apoio para a vida independente das persoas con diversidade funcional e sobre o deseño e impresión 3D de algúns destos produtos.
Este ciclo de charlas promóveo o Servizo de Estudantes da UDC como forma de achegar ao alumnado dos centros de educación secundaria, de forma amena e diferente, a ciencia e a investigación que se desenvolve na universidade.
Os centros que participaron nestas charlas foron o IES Chapela (Redondela), o IES Ricardo Carbalho Calero (Ferrol), o IES Salvaterra de Miño e o IES San Rosendo (Mondoñedo), esta última en colaboración coa entidade Enxeñaría sen Fronteiras Galicia.
Además, aproveitouse para presentar o proxecto Talentos Inclusivos, impulsado polo CITIC para animar aos mozos e mozas a involucrarse en proxectos de innovación con impacto social.
< Volver a Novidades