O CITIC colabora na entrega do Premio ao Mellor Traballo de Fin de Grado (TFG) Aplicado da Facultade de Informática do curso 2018/2019. O acto celebrarase o próximo 30 de outubro e retransmitirase vía online dende o salón de graos Víctor Gulías.

Este premio ten o propósito de recoñecer a excelencia aos traballos defendidos entre xuño e setembro de 2019 e que obtiveron unha cualificación de Matrícula de Honra na Facultade de Informática de la UDC. Seis nomeados optarán a un primeiro premio de 1.500 € e dous accésit de 500 €.

Os estudantes nomeados son:

• Jacobo Fiaño Salinas: Desenvolvemento dunha aplicación para decidir o receptor máis axeitado dun transplante de ril
• Roi Galego Torreiro: Desenvolvemento dunha ferramenta para o control de calidade de secuencias xenéticas en contornos BigData
• Roberto López Castro: Uso de técnicas de visión por computador para o seguimento de individuos en eventos deportivos
• David Otero Freijeiro: Plataforma para a etiquetaxe asistida de casos de risco anticipado en internet
• Sergio Rodríguez Gayoso: Dispositivo e aplicación Android para aumentar a seguridade nos desprazamentos en bicicleta
• Arturo Silvelo Pallín: Sistema de autenticación biométrico baseado na análise do comportamento mediante interacción por pantalla táctil e sensores de movemento

Máis información