Xa está aberta a convocatoria de accións individuais Marie Sklodowska Curie (MSCA-IF-2020), que ten o obxectivo de mellorar o potencial creativo e innovador de investigadores posdoutorais a través de proxectos individuais, fomentando a mobilidade internacional e intersectorial.

A convocatoria permanecerá aberta ata o próximo 9 de setembro e poden optar a ela investigadores posdoutorais de calquera nacionalidade, que non tiveran residido ou traballado no país da entidade solicitante durante máis de 12 meses nos 3 anos previos ao peche do prazo.

No caso dos candidatos que se presenten coa Universidade da Coruña, non é necesaria vinculación actual nin previa coa entidade, pero si é imprescindible contar cun investigador da UDC que apoie a candidatura e actúe como supervisor do mesmo e do proxecto.

Contacto para participar a través da UDC: otri.cienciaexcelente@udc.es