CITIC

Alejandro Pazos, revisor no Graduate Research Fellowship Program da NSF

28/11/2019

O investigador do CITIC Alejandro Pazos foi nomeado revisor no Programa do National Science Foundation: Graduate Research Fellowship Program (NSF-GRFP), un programa de becas que recoñece a estudantes sobresalientes de posgrado nos ámbitos de ciencias, tecnoloxía, enxeñaría e matemáticas apoiadas pola NSF que están buscando títulos de mestría e doutorado baseados en investigación en institucións acreditadas dos Estados Unidos. Cada ano concédense ao redor de 2000 becas.

O Graduate Research Fellowship Program naceu en 1952 e ten o obxectivo de fomentar a investigación científica e asegurar a existencia de programas competitivos para os estudantes estadounidenses. Desde a súa fundación, financiou a máis de 46.500 bolseiros, con máis de 500.000 solicitantes.

Así, Alejandro Pazos formará parte do comité encargado da selección dos estudantes demandantes, xunto cun equipo multidisciplinar de expertos de diferentes ámbitos, institucións e localizacións xeográficas.