O CITIC recibiu este xoves 22 de febreiro a visita de 40 alumnos e alumnas do IES Mosteirón de Sada, dentro da actividade que regularmente realiza o centro para espertar vocacións tecnolóxicas entre os máis novos e trasladar á sociedade os resultados das súas investigacións.  

Durante a visita, os participantes puideron coñecer as liñas de investigación desenvolvidas no CITIC e algúns dos seus proxectos principais. No Demostrador Tecnolóxico, os estudantes probaron as lentes de realidade aumentada e o NAO, un robot humanoide programable cuxa tecnoloxía permite ou recoñecemento facial e de voz. 

A xornada concluiu no laboratorio de Realidade Virtual, onde se amosou o supermercado virtual, desenvolto polo investigador Manuel Lagos co obxectivo de axudar na rehabilitación de persoas con discapacidade.