A investigadora do CITIC Amparo Alonso participará co seu relatorio “Educación e Intelixencia Artificial” no Congreso Global: Ecosistemas educativos para a era dixital, organizado por Virtual Educa Lisboa. O evento, que se celebra entre o 3 e o 5 de marzo en modalidade online, contará coa presenza de destacados expertos e abordará cuestións relacionadas coas tecnoloxías, modelos de aprendizaxe ou o desenvolvemento profesional docente.

No congreso participarán numerosos actores da educación e a formación, debatendo sobre as políticas educativas, a colaboración público-privada, a achega das fundacións e as redes multilaterais, as infraestruturas e accesibilidade, a educación exponencial e as tecnoloxías emerxentes, así como a Axenda 2030.

Os Encontros internacionais Virtual Educa son un referente a nivel global, que veñen desenvolvéndose desde hai vinte anos e nos que participan de figuras de relevancia de todo o mundo en relación coa innovación en educación e formación.

Máis información