CITIC

Carlos Fernández Lozano, nomeado editor académico da revista PeerJ-Computer Science

07/05/2021 – CITIC

O investigador do CITIC Carlos Fernández Lozano foi nomeado Academic Editor da revista open access PeerJ-Computer Science. Esta publicación presta especial atención a contribucións científicas aplicadas e desenvolvementos software para a resolución e análise de problemas complexos en múltiples ámbitos científicos.

Con máis de 450 editores e asesores altamente cualificados, PeerJ-Computer Science ten un índice de impacto de 3.091 e atópase no Q1 en Computer Science, Theory and Methods, posición 24/108.

Carlos Fernández Lozano centra a súa liña de investigación en como se manifestan as interaccións biolóxicas a nivel de enfermidade mediante o uso, desenvolvemento e aplicación de enfoques computacionais baseados en kernel que integran diferentes niveis de datos biolóxicos sobre o eixo de microorganismos, xenes, proteínas e imaxes médicas.