A área de investigación de Ciberseguridade é un campo de traballo transversal ao resto de ámbitos de investigación do CITIC. Comprende o tratamento de datos, os sistemas de intelixencia artificial, os sistemas de computación, e as comunicacións e servizos a través de internet. Trátase dunha disciplina que persegue o correcto funcionamento dos sistemas de información e as comunicacións, é dicir, que o hárdware, sóftware, datos e intercambios de información se fagan de forma que se cumpran aqueles obxectivos para os que foron deseñados.

Os tres retos fundamentais da ciberseguridade son:

• Confidencialidade, que está relacionada coa privacidade
• Integridade, que vela pola corrección dos datos
• Dispoñibilidade, que procura que os servizos de información e as comunicacións sexan sempre utilizables​

Liñas de investigación da área de ciberseguridade:

• Análise de datos baseada en técnicas de intelixencia colectiva, redes de neuronas ou machine learning para a detección de situacións anómalas
• Análise de fluxos de datos para a detección de situacións potencialmente perigosas
• Aplicación de técnicas de detección temperá de intrusións
• Análise e avaliación da seguridade de tecnoloxías emerxentes
• Técnicas de análise de comportamento humano para o desenvolvemento de técnicas de autenticación​