O CITIC organiza a primeira edición do Congreso XoveTIC, orientado ao talento máis novo. Terá lugar o 27 e 28 de setembro nas instalacións do centro, e será un punto de encontro entre novos investigadores, tanto predoutorais coma posdoutorais, que presentarán comunicacións orais ou pósteres das súas investigacións no ámbito das Tecnoloxías da Información e as Comunicacións.

O obxectivo do XoveTIC é potenciar a colaboración entre Universidades e grupos de investigación das tres universidades galegas, construír un espazo de encontro para o debate científico e contribuír á formación dos investigadores.

Ademais das comunicacións orais dos investigadores, terán lugar diferentes conferencias plenarias, a cargo de personalidades relevantes no ámbito das TIC a nivel nacional e internacional.

Colaboran na organización o CiTIUS da USC e atlanTTic da UVigo. Pola súa banda, as entidades patrocinadoras, o Cluster TIC Galicia, o Colexio Profesional de Enxeñería en Informática de Galicia, o Colexio Profesional de Enxeñería Técnica en Informática de Galicia e o Instituto Tecnolóxico de Galicia, ofrecen un premio de 300 euros para as tres mellores comunicacións.

DÍA 1

9:30 h – 10:00 h Recepción de asistentes

10:00 h – 10:30 h Sesión de apertura

10:30 h – 11:00 h Conferencia plenaria a cargo do profesor Dr. Antonio Bahamonde

11:00 h – 12:00 h Comunicacións orais

12:00 h – 12:30 h Pausa café

12:30 h – 14:30 h Comunicacións orais

14:30 h – 16:00 h Comida de networking

16:00 h – 18:00 h Talleres – 5G (Prof. Dr. Felipe Gil Casiñeira) / Ciberseguridade (profesor Dr. Francisco J. Nóvoa Manuel e profesor Dr. Adrián Carballal Mato)

18:00 h – 19:00 h Exposición de pósteres e pausa café

DÍA 2:

10:00 h – 10:30 h Conferencia plenaria a cargo da profesora Dra. Petia Radeva

10:30 h – 11:30 h Comunicacións orais

11:30 h – 12:00 h Pausa café

12:00 h – 13:30 h Comunicacións orais

13:30 h – 14:00 h Clausura e entrega de premios

14:30 h – 15:30 h Comida de networking

Máis información