O responsable da Unidade de Xestión de Innovación e Transferencia do CITIC, Manuel Bustabad, e o investigador da área de Percepción, Cognición e Interacción, Francisco Nóvoa, atópanse no CiscoLive 19, que ten lugar en Barcelona entre o 28 de xaneiro e o 1 de febreiro. Trátase dun evento internacional de Cisco que se celebra de forma anual e está dirixido a empresas do sector das telecomunicacións, ciberseguridade, sistemas, etc.

O obxectivo do CITIC é buscar oportunidades e novas vías de colaboración con diferentes institucións, na área da ciberseguridade e en innovación de redes de datos.