O director do centro de desenvolvemento infantil PASITOS visitou as instalacións do CITIC para establecer acordos de colaboración entre ambos centros para a avaliación de contornas virtuais inmersivas como nova ferramenta de intervención en nenos con fins terapéuticos.

PASITOS xa contara coa colaboración do CITIC con anterioridade para crear contidos baseados por ordenador para traballar con nenos. Mediante esta nova colaboración, estanse avaliando as posibilidades que ofrece a realidade virtual e as contornas inmersivas como elementos estimulantes para captar a atención dos nenos e conseguir traballar aspectos dos seus hábitos e capacidades que lle permiten un maior grado de autonomía e participación social.