A investigadora do CITIC Eva Blanco foi seleccionada para acceder á fase nacional do concurso A túa Tese Doutoral nun Fío de Twitter: #HiloTesis, organizado por por Crue Universidades Españolas. Este concurso ten o obxectivo de promover a actividade divulgadora entre o estudantado de Doutoramento das universidades que forman parte desta asociación. Así, a investigadora foi capaz de explicar o tema central que aborda na súa tese: a transferencia de coñecemento entre sistemas intelixentes.

Todos os estudantes que participaron no concurso, que finalizaron a súa tese doutoral nos últimos 6 meses ou que a están desenvolvendo na actualidade, puideron explicar que fan, como e por que nun máximo de 20 tuits entre o 1 e o 23 de abril. As candidaturas debían contar co visto e prace da persoa que dirixa a tese e garantir que a información proporcionada é susceptible de difusión pública.

O fío de Eva Blanco é un do tres seleccionados pola UDC para ser avaliados polo xurado nacional desta primeira edición do concurso #HiloTesis, xunto con Deborah García Bello e Carla da Silva Castro. Proximamente coñeceranse o tres fíos premiados entre todas as universidades da Crue.