As investigadoras do CITIC Bertha Guijarro, Susana Ladra e Verónica Bolón participaron o pasado 25 de marzo en Women in Data Science – WiDS Coruña, que se celebrou no Hotel NH Collection A Coruña Fisterra. Este acto ten o obxectivo de dar visibilidade a mulleres relevantes no ámbito da ciencia de datos.

Verónica Bolón participou no panel “A importancia dos datos desde distintas perspectivas”, mentres que Bertha Guijarro tomou parte no panel patrocinado por Grupo Atlante, e Susana Ladra fíxoo no bloque “Data Science e talento. Como atraer e potenciar estes perfís?”.

No evento, as persoas asistentes tiveron a oportunidade de coñecer as experiencias vitais e profesionais de diferentes mulleres relevantes no ámbito da ciencia de datos, sendo un foro que ten a finalidade de servir como referente e inspiración para xeracións presentes e futuras.

WiDS Coruña é un evento independente organizado pola CEO de Milbrait Asesores, Cristina Gil Rei, e forma parte da edición anual organizada pola Universidade de Standford en máis de 150 sedes distintas.