Investigadores do CITIC organizan actividades para escolares con motivo do Día Internacional das Matemáticas
11/03/2021 – CITIC
Adriana Dapena Janeiro, Paula M. Castro Castro e Francisco J. Vázquez Araujo organizan unhas actividades divulgativas que se desenvolverán durante todo este mes no MUNCYT Coruña con motivo do Día Internacional das Matemáticas que se celebra cada 14 de marzo.
As actividades, que están dirixidas a dirixidas a escolares de entre 6 e 15 anos, basearanse nunhas fichas didácticas dirixidas a escolares de Primaria e primeiro ciclo de Secundaria para elaborar en casa ou na aula de maneira autónoma e con materiais refugables. As fichas didácticas permitirán traballar con figuras xeométricas como os triángulos de Reuleaux e con superficies regradas, mostrando a súa aplicación práctica en diversos ámbitos de maneira amena e contextualizada.
Esta actividade enmárcase no proxecto “Xeometría aplicada” no que participan os investigadores de CITIC e investigadores do grupo XDA da UDC. Este proxecto atópase actualmente exposto na mostra “Campus Vivo. Investigar na Universidade” do MUNCYT Coruña.
