O próximo 14 de marzo a sala Cloud do CITIC acollerá a Xornada Novas Ferramentas da Industria 4.0: Solucións de PTC para IoT, Realidade Aumentada e Machine Learning. Está organizada polo CITIC da UDC e a Unidade Mixta UDC-Navantia, colaboran as empresas PTC e Integral PLM.

A xornada estará impartida por Carlos Cosials Ruiz, IoT Senior Biz Consultant de PLM Integral, e Josep Ortega, Channel Business Development Manager para Iberia&MEA de PTC. O seu principal obxectivo é dar a coñecer aos asistentes a súa plataforma de IoT e realidade aumentada así como distintas solucións que aúnan as contornas físicas e dixital (CAD, CAE, PLM) para reinventar a maneira de deseñar, fabricar, operar, reparar ou manter os productos na Industria 4.0.

A xornada, de inscripción gratuíta, está dirixida a investigadores e membros da comunidade universitaria.

Os interesados en asistir poden incribirse na xornada ata o día 13 de marzo ás 14:00 horas a través do seguinte formulario. Prazas limitadas por rigorosa orde de inscrición.

PROGRAMA:

• 10:00 h- Os sistemas gráficos 3D para a reprodución de productos virtuais en contornas simuladas.
• 11:20 h- Pausa café.
• 11:40 h- A plataforma de IoT xenérica de ámbito industrial, con Machine Learning incluída e DevOps integrado, na adopción de proxectos de Industria 4.0.
• 13:20 h- Modelos de colaboración coa Universidade.
• 13:45 h- Peche e conclusións para plan de acción.