O investigador do CITIC José Luis Calvo Rolle foi convidado polo Instituto de Robótica e Informática Industrial, centro mixto de investigación do Consello Español de Investigacións Científicas (CSIC) e a Universidade Politécnica de Cataluña (UPC), situado en Barcelona. A estancia realizarase do 13 ao 17 de xuño enmarcada no instrumento “Visitors of Excellence” do Programa Estratéxico María de Maeztu.

Os obxectivos da estancia son, entre outros, a impartición da conferencia “Novel intelligent techniques for optimizing and control of real systems”, dirixida a investigadores do instituto. Ademais, o investigador visitará diferentes laboratorios e reunirase co seu persoal investigador coa finalidade de establecer sinerxias co CITIC. Os laboratorios que visitará son: Perception and Manipulation Laboratory, Kinematics and Robot Design Laboratory, Mobile Robotics Laboratory, Fuel Cell Control Laborator e Water-cycle Control Systems Laboratory.