CITIC

A convocatoria de accións individuais Marie Sklodowska Curie abrirá o 11 de abril

01/04/2019

A convocatoria de accións individuais Marie Sklodowska Curie (MSCA-IF-2019) abrirá o próximo 11 de abril.  Esta convocatoria ten como obxectivo a mellora do potencial creativo e innovador dos investigadores con experiencia, a través de proxectos individuais que fomenten a mobilidade internacional e intersectorial. 

A convocatoria permanecerá aberta ata o 11 de setembro e conta cun orzamento de 294.49 millóns de euros. Está aberta a investigadores postdoutorais de calquera nacionalidade. Os candidatos que se presenten coa Universidade da Coruña non poden ter resido ou traballado en España durante máis de 12 meses nos últimos tres anos anteriores ao 11 de setembro de 2019, e non é necesaria vinculación actual nin previa do investigador candidato coa UDC.