O pasado luns 4 de abril ás 17:00h tivo lugar, na sala Connect do CITIC, o acto de entrega de premios aos catro gañadores dun concurso en formato kahoot proposto polo profesor Víctor Carneiro na materia de Xestión de infraestruturas do Grao de Informática da UDC. Contou coa colaboración da empresa Inycom que agasallou a cada gañador cunha tablet.

Os encargados de entregar os agasallos foron Gabriel Barreiro, director da zona noroeste de Inycom, Marta Abad, do departamento de recursos humanos de Inycom, e Manuel F. González Penedo, director do CITIC.

Ademais, os premiados puideron coñecer da man de Gabriel Barreiro e Marta Abad os obxectivos da empresa Inycom e algúns dos proxectos que están a desenvolver.

O evento remataba cunha visita dos premiados ao Centro de Proceso de Datos do CITIC.