• O centro de investigación da UDC, sede da primeira reunión presencial de Education and Dixital Literacy to Grow Inclusive Talents (EDIGIT) de Erasmus+ .
• O programa, liderado polo CITIC, avanza cara a unha educación inclusiva e dixital nas disciplinas STEM na colaboración con varios países europeos.

A Coruña, 22 de xaneiro de 2025.- O CITIC da UDC foi a sede da primeira reunión presencial do EDIGIT (Education and Dixital Literacy to Grow Inclusive Talents), a versión internacional do proxecto Talentos Inclusivos. O encontro, celebrado esta semana, reuniu a representantes de varios países europeos como Hungría, Italia, República Checa e España, para comezar os traballos do proxecto.

A iniciativa ten como obxectivo principal promover a participación das persoas con discapacidade na transición dixital, impulsando enfoques inclusivos no ensino das disciplinas STEM (Ciencia, Tecnoloxía, Enxeñería e Matemáticas). A través deste proxecto europeo, búscase dotar aos docentes das competencias necesarias para desenvolver iniciativas centradas na inclusión dentro destes campos educativos.

Durante a reunión, os participantes traballaron na definición do enfoque metodolóxico e pedagóxico que guiará o desenvolvemento do contido educativo do proxecto. Este traballo é parte dun conxunto de actividades que se centra na creación de materiais educativos inclusivos e adaptados ás necesidades dos docentes e estudantes nunha contorna dixital. Ademais, levou a cabo unha aproximación para definir as competencias clave, a estrutura dos módulos de formación e os requisitos de dixitalización necesarios para asegurar que os contidos sexan accesibles e efectivos. Estas cuestións abordaranse nun primeiro borrador que se presentará proximamente.

O consorcio do proxecto, liderado polo CITIC, inclúe outras seis institucións de cinco países diferentes: Academia José Moreira dá Silva (Portugal), Kezenfogva Osszefogas A Foyatekosokert Alapitvany (Hungría), Gymnázium Jiřího Gutha-Jarkovského (República Checa), ASPACE Coruña (España), Polo Europeo della Conoscenza – IC Bosco Chiesanuova (Italia) e On Projects Advising SL (España).

Un dos principais obxectivos desta primeira reunión foi a creación de directrices metodolóxicas e pedagóxicas que servirán de base para o desenvolvemento dos módulos de formación, os cuales están deseñados para sensibilizar aos estudantes sobre a discapacidade, promover un ensino inclusivo e facilitar a transición dixital nos centros educativos.

O CITIC, subliña a importancia desta colaboración internacional para crear recursos educativos que fomenten unha maior inclusión e equidade na educación dixital. O proxecto EDIGIT comprométese a ofrecer unha formación de alta calidade que non só mellore as habilidades dixitais dos docentes, senón que tamén faga do ensino STEM unha experiencia accesible e inclusiva para todos.

Sobre Talentos Inclusivos

Talentos Inclusivos é un proxecto desenvolvido polo CITIC da UDC e ASPACE Coruña, e que conta co apoio da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades; o Consello Social da UDC; Concello da Coruña e a Xunta de Galicia a través das Consellerías de Educación, Ciencia, Universidades e FP e Política Social e Igualdade.  

O seu obxectivo é espertar vocacións STEM (Science, Technology, Engineering and Mathematics) entre os mozos e dar a coñecer a realidade da discapacidade a través de equipos colaborativos de traballo para resolver retos tecnolóxicos expostos por persoas con parálise cerebral. 

A través deste proxecto, alumnos e alumnas de secundaria e bacharelato de diversos centros educativos de Galicia, teñen que buscar solucións tecnolóxicas a unha serie de retos que serán propostos por usuarios da entidade ASPACE Coruña, Amencer-ASPACE e da Asociación de familias de persoas con parálise cerebral (APAMP). 

Máis información:  https://talentosinclusivos.citic.udc.es/