O CITIC participa este luns 30 de novembro no Taller Proxectos I+D+i organizado polo Digital Innovation Hub Industrial de Galicia (DIHGIGAL). O CITIC estará representado polo responsable de Transferencia Tecnolóxica do centro, Manuel Bustabad. Este evento está orientado a motivar ás empresas a desenvolver os seus proxectos de I+D+i, así como a favorecer a conexión de oferta e demanda tecnolóxica e o intercambio de boas prácticas empresariais.

Manuel Bustabad presentará as capacidades do CITIC na mesa “Como che pode axudar a oferta tecnolóxica?”, xunto con representantes do Cluster TIC Galicia, o CESGA, o ITG e Atlanttic da Universidade de Vigo.

O taller comezará explicando os retos tecnolóxicos identificados en colaboración coa industria e mostrará o rol do Hub neste ámbito. Ademais, os asistentes poderán profundar nalgunhas das liñas de financiamento existentes para dar soporte a proxectos de I+D+i e coñecerán de primeira man o que a oferta tecnolóxica pode ofrecer ás empresas. Para finalizar, catro empresas de diferentes sectores compartirán a súa experiencia na xestión de proxectos de I+D+i.

Más información