O CITIC recibiu este mércores 7 de xuño a visita da portavoz do BNG, Ana Pontón, xunto con diferentes representantes parlamentarios. A visita enmarcouse nun percorrido polos centros de investigación da UDC: o CITIC, o CICA e o CITEEC.

En primeiro lugar, o grupo coñeceu o CITIC, acompañados polo vicerreitor de Política Científica, Investigación e Transferencia da UDC, Salvador Naya; a directora do Campus Innova da UDC, Susana Ladra; o director do CITIC, Manuel F. González Penedo; e o director do CICA, Jaime Rodríguez. No centro puideron coñecer os diferentes laboratorios e o Demostrador Tecnolóxico, onde o subdirector do CITIC, Javier Pereira, e o responsable da área de Sistemas, Alejandro Mosteiro, mostraron algúns dos proxectos desenvolvidos polo CITIC.

Posteriormente, acudiron ao CICA e ao CITEEC para continuar coa visita.