CITIC
Entrega premio 2

O proxecto Talentos Inclusivos recibe unha mención honorífica nos XXXV Premios Prisma Casa das Ciencias á Divulgación

21/11/2022 – CITIC

O xurado dos Premios Prisma Casa das Ciencias á Divulgación decidiu o pasado 24 de setembro os proxectos gañadores do seu XXXV edición. Entre os premiados atópase o proxecto Talentos Inclusivos, promovido polo CITIC da UDC e ASPACE Coruña, que recibiu unha mención honorífica na categoría de Mellor Proxecto Singular.

A entrega dos premios tivo lugar nun acto que se celebrou o pasado sábado 19 de novembro na Domus en no salón de plenos do Concello da Coruña.

Os premios Prismas son unha iniciativa do Concello da Coruña, a través dos Museos Científicos, que pretende potenciar a difusión da cultura científica en España, e apoiar a todos os/as profesionais que traballan neste campo.

Os traballos premiados nesta edición, xunto co proxecto Talentos Inclusivos, foron os seguintes:

  • Mellor traballo en vídeo: Camiño a Congreso, unha webserie do IAA-CSIC, por unha ficción audiovisual de gran calidade técnica que retrata con humor a cotiandade nun equipo científico.
  • Mellor novo medio: Yonki Books, de Oihan Iturbide, por achegar recursos de gran calidade, con riqueza de formatos e perspectivas, sobre as adicións, un problema rodeado de estigmas e prexuízos.
  • Mellor libro editado: Acoso, de Ángela Bernardo Álvarez en Next Door Publishers, por presentar unha investigación rigorosa sobre o acoso, un problema de gran transcendencia que afecta os dereitos fundamentais das persoas que fan ciencia.
  • Mellor artigo xornalístico: Historia dun secuestro xenético: así foi como unha mosca roubou “superpoderes” a unha planta, de Jesús Méndez González en Axencia SINC, por converter unha investigación de ciencia básica e moi pouco coñecida nunha historia fascinante de gran calidade xornalística.
  • Mellor traballo en radio: A lupa sónica, un podcast de María Teresa Pérez Cidoncha e Xaviera Torres Joerges, por achega a ciencia á infancia cun estilo innovador e un deseño sonoro de gran calidade.
  • Mellor proxecto singular: Dons de ciencia, promovido pola Universidade Politécnica de Valencia, por visibilizar a científicas contemporáneas nun proxecto de amplo alcance que combina arte e ciencia coa participación da cidadanía.
  • Mención honorífica, na categoría libro editado, á ciencia do chup chup, de Elena Sanz en Editorial Planeta.