CITIC
SEPLN

Persoal investigador do CITIC organiza o SEPLN 2022, foro de referencia no ámbito do Procesamento da Linguaxe Natural

31/08/2022 – CITIC

A 38ª edición do Congreso da Sociedade Española para o Procesamento da Linguaxe Natural terá lugar no Paraninfo da Reitoría da Universidade da Coruña do 20 ao 23 de setembro. O SEPLN 2022, evento científico de referencia no ámbito do Procesamento da Linguaxe Natural (PLN), está organizado polo persoal investigador da área de IA do CITIC Miguel A. Alonso, Margarita Alonso, Carlos Gómez, Jorge Graña, Nancy Vázquez, David Vilares e Jesús Vilares.

O obxectivo principal do congreso é ofrecer, tanto á comunidade científica como ás empresas do sector, un foro onde presentar e compartir as últimas investigacións e desenvolvementos no ámbito do Procesamento da Linguaxe Natural (PLN), así como dar a coñecer as aplicacións reais neste ámbito.

Como en edicións anteriores, a edición deste ano do congreso SEPLN dará a posibilidade de coñecer o estado actual e futuras directrices das distintas tarefas relacionadas co PLN, co fin de compartir e contrastar este coñecemento coas necesidades actuais que existen no mercado.