O mércores 4 de maio a investigadora do CITIC Thais Pousada, convidada pola Escola Superior de Saúde Santa María de Oporto, impartiu un webinar sobre Tecnoloxías e Produtos de apoio dirixidos a potenciar a autonomía das persoas con diversidade funcional.

Durante a charla, presentáronse diferentes dispositivos que poden facilitar a realización de actividades cotiás. Ademais, abordouse o reto que supón adquirir un produto de apoio, así coma a importancia do asesoramento profesional.

Está previsto realizar novas colaboracións internacionais con esta institución, entre as que se atopa un curso formativo no mes de setembro sobre esta liña de investigación.