Un proxecto dirixido por persoal investigador do CITIC, galardoado na II Edición dos Premios a Proxectos de Innovación Docente en Aprendizaxe-Servizo da UDC
14/09/2021 – CITIC
O proxecto “TFG para o desenvolvemento de aplicacións informáticas de apoio á diversidade” dirixido polo subdirector do CITIC Javier Pereira Loureiro e os docentes da Facultade de Informática e persoal investigador do CITIC, Adriana Dapena Janeiro, Paula Castro Castro e Óscar Fresnedo Arias, resultou galardoado na II Edición dos Premios á Innovación Docente en Proxectos de Aprendizaxe-Servizo da Universidade da Coruña. En concreto, recibiron o segundo premio da modalidade Atención á Diversidade, dotado cunha contía de 400 euros.
O xurado dos premios, convocados polo Vicerreitorado de Internacionalización e Cooperación e o Vicerreitorado de Planificación Académica e Innovación Docente, fixo pública a listaxe definitiva de proxectos premiados o pasado 10 de setembro. En total, outorgáronse seis premios, dous por cada liña temática de participación: sustentabilidade, atención á diversidade e redución das desigualdades.
