Vicente Moret imparte unha nova charla sobre ciencia no Centro Social de Rutis
22/02/2019
O investigador do CITIC Vicente Moret impartirá mañá sábado unha nova charla sobre ciencia no Centro Social, Cultural e Recreativo de Rutis (Culleredo). Leva por título “A Maxia dos Gregos” e está enmarcada no ciclo de charlas divulgativas e coloquios sobre ciencia dirixidos a nenos, aínda que sen excluír a asistencia de adultos.
O ciclo comezou en xaneiro e prolongarase ata xuño. Colaboran na organización o CITIC, a Universidade da Coruña e o Concello de Culleredo.
A inscrición é libre e gratuíta a través deste enlace.
