Vicente Moret, relator no Workshop Quantum Computers and High Performance Computing
20/11/2019
O investigador do CITIC Vicente Moret Bonillo participará como relator invitado no I Workshop Quantum Computers and High Performance Computing, un evento sobre computación cuántica con repercusión a nivel internacional, que se celebrará o próximo 27 de novembro no CiTIUS de Santiago de Compostela. Vicente Moret, investigador de referencia internacional no campo da computación cuántica, presentará o seu libro “Uncertainty in Quantum Ruled-Based systems”.
O Workshop Quantum Computers and High Performance Computing contará con prestixiosos invitados do ámbito empresarial e académico, procedentes de institucións como o CERN, Atos, Fujitsu, IBM Q, entre outras. O evento está organizado pola USC e o CESGA, con financiamento da Rede Española de Supercomputación.
A asistencia é gratuíta e o prazo de rexistro está aberto ata o venres 22.
