CITIC

Amparo Alonso imparte un taller dentro do programa “Recoñéceas” con motivo do Día da Muller e a Nena na Ciencia

09/02/2021 – CITIC

A investigadora do CITIC Amparo Alonso impartirá un taller o próximo 10 de febreiro con motivo do Día Internacional da Muller e a Nena na Ciencia, dentro do programa “Recoñéceas” promovido por La ciencia es femenino. Esta iniciativa traballa para dar visibilidade ás científicas en Galicia e achegar a ciencia a toda a sociedade, aportando referentes femininos en diferentes áreas da ciencia.

No marco deste proxecto realizaranse 25 talleres en centros educativos de primaria e secundaria nos que 25 científicas desenvolverán actividades co alumnado. A charla ofrecida por Amparo Alonso está dirixida ao alumnado de 4º de ESO do Colexio Divino Salvador de Coruxo (Vigo).